Haec pagina emendata est
Nec te Pythagoræ fallant arcana renati,
Formaque vincas Nirea,
Eheu ! translatos alio mærebis amores ;
Ast ego vicissim risero.
Altera jam teritur bellis civilibus ætas,
Suis et ipsa Roma viribus ruit ;
Quam neque finitimi valuerunt perdere Marsi,
Minacis aut Etrusca Porsenæ manus,
Æmula nec virtus Capuæ nec Spartacus acer,
Novisque rebus infidelis Allobrox,
Nec fera cærulea domuit Germania pube,
Parentibusque abominatus Hannibal,
