Pagina:Horace - Œuvres, trad. Leconte de Lisle, I.djvu/215

Capaciores affer huc, puer, scyphos
          Et Chia vina, aut Lesbia,
Vel, quod fluentem nauseam cœrceat,
          Metire nobis Cæcubum.
Curam metumque Cæsaris rerum juvat
          Dulci Lyæo solvere.

IN MÆVIUM.

Mala soluta navis exit alite,
          Ferens olentem Mævium.
Ut horridis utrumque verberes latus,
          Auster, memento fluctibus !
Niger rudentes Eurus inverso mari,
          Fractosque remos differat.
Insurgat Aquilo, quantus altis montibus
          Frangit trementes ilices ;
Nec sidus atra nocte amicum appareat,
          Qua tristis Orion cadit ;