Haec pagina emendata est
Incendio nuptam abstulit ?
Atqui nec herba nec latens in asperis
Radix fefellit me locis.
Indormit unctis omnium cubilibus
Oblivione pellicum ?
Ah ! Ah ! solutus ambulat veneficæ
Scientioris carmine.
Non usitatis, Vare, potionibus,
O multa fleturum caput !
Ad me recurres, nec vocata mens tua
Marsis redibit vocibus.
Majus parabo, majus infundam tibi
Fastidienti poculum ;
Priusque cælum sidet inferius mari,
Tellure porrecta super,
Quam non amore sic meo flagres uti
Bitumen atris ignibus. »
Sub hæc puer, jam non, ut ante, mollibus
Lenire verbis impias,
