Haec pagina emendata est
Horret capillis ut marinus asperis
Echinus aut currens aper.
Abacta nulla Veia conscientia
Ligonibus duris humum
Exhauriebat ingemens laboribus ;
Quo posset infossus puer
Longo die bis terque mutatæ dapis
Inemori spectaculo,
Cum promineret ore, quantum exstant aqua
Suspensa mento corpora ;
Exsucta uti medulla et aridum jecur
Amoris esset poculum,
Interminato cum semel fixæ cibo
Intabuissent pupulæ.
Non defuisse masculæ libidinis
Ariminensem Foliam
Et otiosa credidit Neapolis
Et omne vicinum oppidum ;
Quæ sidera excantata voce Thessala
Lunamque cælo deripit.
Hic inresectum sæva dente livido
