Haec pagina emendata est
Ne parva Tyrrhenum per æquor
Vela darem. Tua, Cæsar, ætas
Fruges et agris rettulit uberes,
Et signa nostro restituit Jovi
Derepta Parthorum superbis
Postibus, et vacuom duellis
Janum Quirini clausit, et ordinem
Rectum evaganti frena licentiæ
Injecit, amovitque culpas,
Et veteres revocavit artes,
Per quas Latinum nomen et Italæ
Crevere vires, famaque et imperi
Porrecta majestas ad ortum
Solis ab Hesperio cubili.
Custode rerum Cæsare non furor
Civilis, aut vis exiget otium,
Non ira, quæ procudit enses
Et miseras inimicat urbes.
Non qui profundum Danubium bibunt,
