Pagina:Horace - Œuvres, trad. Leconte de Lisle, I.djvu/186

Haec pagina emendata est



Mutatus, Ligurinum in faciem verterit hispidam,
Dices, heu ! quoties te in speculo videris alterum ;
Quæ mens est hodie, cur eadem non puero fuit ?
Vel cur his animis incolumes non redeunt genæ ?



AD PHYLLIDEM.


Est mihi nonum superantis annum
Plenus Albani cadus ; est in horto,
Phylli, nectendis apium coronis ;
             Est hederæ vis
Multa, qua crinis religata fulges.
Ridet argento domus ; ara castis
Vincta verbenis, avet immolato
             Spargier agno.
Cuncta festinat manus ; huc et illuc