Haec pagina emendata est
Obstaret meritis invida Romuli ?
Ereptum Stygiis fluctibus Æacum
Virtus et favor et lingua potentium
Vatum divitibus consecrat insulis.
Dignum laude virum Musa vetat mori ;
Cælo Musa beat. Sic Jovis interest
Optatis epulis impiger Hercules ;
Clarum Tyndaridæ sidus ab infimis
Quassas eripiunt æquoribus rates ;
Ornatus viridi tempora pampino
Liber vota bonos ducit ad exitus.
Ne forte credas interitura, quæ
Longe sonantem natus ad Aufidum
Non ante volgatas per artes
Verba loquor socianda chordis :
