Haec pagina emendata est
Tertium lunæ referentis ortum,
Qua notam duxit, niveus videri,
Cœtera fulvus.
Quem tu, Melpomene, semel
Nascentem placido lumine videris,
Illum non labor Isthmius
Clarabit pugilem, non equos inpiger
Curru ducet Achaïco
Victorem, neque res bellica Deliis
Ornatum foliis ducem,
Quod regum tumidas contuderit minas,
Ostendet Capitolio;
Sed quæ Tibur aquæ fertile præfluunt,
Et spissæ nemorum comæ
Fingent Æolio carmine nobilem.
