Haec pagina emendata est
Nec dabunt, quamvis redeant in aurum
Tempora priscum.
Concines lætosque dies et Urbis
Publicum ludum super impetrato
Fortis Augusti reditu, forumque
Litibus orbum.
Tum meæ, si quid loquar audiendum,
Vocis accedet bona pars ; et « o Sol
Pulcher ! o laudande ! » canam, recepto
Cæsare felix.
Teque, dum procedit, Io Triumphe !
Non semel dicemus, Io Triumphe !
Civitas omnis, dabimusque Divis
Thura benignis.
Te decem tauri totidemque vaccæ,
Me tener solvet vitulus, relicta
Matre, qui largis juvenescit herbis
In mea vota ;
Fronte curvatos imitatus ignes
