Haec pagina emendata est
« Vilis Europe, pater urget absens ;
Quid mori cessas ? potes hac ab orno
Pendulum zona bene te secuta
Lædere collum.
« Sive te rupes et acuta leto
Saxa delectant, age te procellæ
Crede veloci, nisi herile mavis
Carpere pensum,
« Regius sanguis dominæque tradi
Barbaræ pellex. » Aderat querenti
Perfidum ridens Venus, et remisso
Filius arcu.
Mox ubi lusit satis, « Abstineto,
Dixit, irarum, calidæque rixæ,
Cum tibi invisus laceranda reddet
Cornua taurus.
« Uxor invicti Jovis esse nescis.
Mitte singultus ; bene ferre magnam
