Haec pagina emendata est
Tu lene tormentum ingenio admoves
Plerumque duro ; tu sapientium
Curas et arcanum jocoso
Consilium retegis Lyæo ;
Tu spem reducis mentibus anxiis,
Virisque et addis cornua pauperi,
Post te neque iratos trementi
Regum apices, neque militum arma.
Te, Liber, et, si læta aderit, Venus,
Segnesque nodum solvere Gratiæ,
Vivæque producent lucernæ,
Dum rediens fugat astra Phœbus.
Montium custos nemorumque, Virgo,
Quæ laborantes utero puellas
