Haec pagina emendata est
Ludit herboso pecus omne campo,
Cum tibi Nonæ redeunt Decembres,
Festus in pratis vacat otioso
Cum bove pagus ;
Inter audaces lupus errat agnos,
Spargit agrestis tibi silva frondes,
Gaudet invisam pepulisse fossor
Ter pede terram.
Quantum distet ab Inacho
Codrus, pro patria non timidus mori,
Narras, et genus Æaci
Et pugnata sacro bella sub Ilio :
Quo Chium pretio cadum
Mercemur, quis aquam temperet ignibus,
Quo præbente domum, et quota
