Haec pagina emendata est
Demissa tempestas ab Euro
Sternet, aquæ nisi fallit augur
Annosa cornix. Dum potes, aridum
Compone lignum: cras genium mero
Curabis et porco bimenstri,
Cum famulis operum solutis.
Faune, Nympharum fugientum amator,
Per meos finis et aprica rura
Lenis incedas ; abeasque parvis
Æquus alumnis,
Si tener pleno cadit hædus anno,
Larga nec desunt Veneris sodali
Vina crateræ, vetus ara multo
Fumat odore.
