Haec pagina emendata est
Si non Acrisium, virginis abditæ
Custodem pavidum, Juppiter et Venus
Risissent : fore enim tutum iter et patens,
Converso in pretium Deo.
Aurum per medios ire satellites
Et perrumpere amat saxa potentius
Ictu fulmineo : concidit auguris
Argivi domus, ob lucrum
Demersa exitio ; diffidit urbium
Portas vir Macedo, et subruit æmulos
Reges muneribus ; munera navium
Sævos inlaqueant duces.
Crescentem sequitur cura pecuniam,
Majorumque fames. Jure perhorrui
Late conspicuum tollere verticem,
Mæcenas, equitum decus.
Quanto quisque sibi plura negaverit,
A dis plura feret. Nil cupientium
