Haec pagina emendata est
Sed rusticorum mascula militum
Proles, Sabellis docta ligonibus
Versare glebas, et severæ
Matris ad arbitrium recisos
Portare fustes, sol ubi montium
Mutaret umbras et juga demeret
Bubus fatigatis, amicum
Tempus agens abeunte curru.
Damnosa quid non imminuit dies ?
Ætas parentum, pejor avis, tulit
Nos nequiores, mox daturos
Progeniem vitiosiorem
Quid fles, Asterie, quem tibi, candidi
Primo restituent vere Favonii,
