Haec pagina emendata est
Primum inquinavere et genus et domos :
Hoc fonte derivata clades
In patriam populumque fluxit.
Motus doceri gaudet Ionicos
Matura virgo, et fingitur artibus ;
Jam nunc et incestos amores
De tenero meditatur ungui ;
Mox juniores quærit adulteros
Inter mariti vina ; neque eligit
Cui donet impermissa raptim
Gaudia, luminibus remotis ;
Sed jussa coram, non sine conscio
Surgit marito, seu vocat institor
Seu navis Hispanæ magister,
Dedecorum pretiosus emptor.
Non his juventus orta parentibus
Infecit æquor sanguine Punico,
Pyrrhumque et ingentem cecidit
Antiochum, Hannibalemque dirum ;
