Pagina:Gallia Christiana, 1715, T1.djvu/49

Haec pagina emendata est
29
30
ECCLESIA ALBIENSIS

ANNI CHRISTI.
S. Dominici, videlicet ordinis Prædicatorum alumnus, ad cathedram Albienſem aſcendiſſe dicitur an. 1379. idque convenit cum Albienſibus tabulis, 1379.in quibus legitur Dominicum archidiacono Petracoricenſi camerario cardinalis Lemovicenſis, die 8. Junii an. 1380.1380. demandaſſe provinciam exhibendi hominium B. Bituricenſi archiepiſcopo, pro civitate Albienſi. Eodem anno dic 5. Octobris interdictione ſibi ex formis juris facta, jubetur liberam ſuo capitulo relinquere poſſeſſionem bonorum quæ Hugo Albienſis epiſcopus ab inteſtato acquiſierat, ut pote quæ bullaEx tab. eccl. Alb.
Ibid.
Clementis papæ VII. dicto capitulo concessaB fuerant. Nihilominus tamen hac ae re mota querela mediis arbitris compoſita non eſt niſi anno 1381.
1382.
1381. 8. Septembris. Ab hac ſede tranſlatus eſt ad epiſcopatum S. Pontii Tomeriarum, an. 1382. ubi de illo plura, & in Toloſanis archiepiſcopis.
LXIV.De Saya Johannes II.

Hic præſul, quem legimus cognominatum d'Alby & de Saya, die 24. Julii, an. 1382. Ludovicum ducem Andecavorum & Turonum comitabatur in caſtris ad Padum, una cum Ludovico de Monte-gaudio ipſius ducis Mareſcallo, & Johanne domino de BueilC Cambellano, uti teſtantur litreræ, quibus idem dux ratum habet pactum de 40. millibus florenorum auri, ſolvendis magnifico domino Barnabæ vicecomiti Mediolani, pro ſtipendio quingentarum lancearum, quæ ſubminiſtraturum illi dictus Andegavensis pollicitus erat, ex chara cameræ rationum regiarum Pariſ. Anno ſequenti redditus ſuæ eccleſiæ ad exemplum Beraldi, Petri, Pictavini, Hugonis & Dominici anteceſſorum, 40. dies indulgentiæ viſitantibus eccleſiam ſanctae Mariæ de Fargis, fundatam a præfato Beraldo, in qua, interceſſione beatæ Mariæ virginis plurima fiebant miracula, concedit 29. April.D 1383. ex tab. Annuntiatarum apud Albiam. De hoc epiſcopo liber obituum hæc habet : Anno Domini mccclxxxiii. obiit reverendus Dominus Johannes de Saya, epiſcopus Albienſis, qui dedit imaginem B. Mariæ ponderis duodecim marcharum argenti, & ultra duos pannos.

De la Voulte
LXV. Guillelmus VIII.

Non rudis & inexpertus ad Albienſes infulas acceſſit Guillelmus de Vouta, qui antea regendi tirocinium poſuerat in eccleſiæ Tolononſis adminiſtratione, deinde factus epiſcopusE Maſſilienlis, tum Valentinenſis & Dienſis. Albienſibus denique in tabulis memoratur ut epiſcopus, annis 1383.1383. 84. 85. An. 1389. die 25. Februarii Johanni Bituricenſi archiepiſcopo, per procuratorem hominium præſtitit pro civitate Albienſi. An. 1392.1392. in jus vocatur a rege, quod ipſe vel ab ipſo inſtituti judices, inquiſitionem cujuſdam criminis uſurpaſſent. An. 1397.1397. die 20. Maii prorogatur ipſi tempus ad reddendum Petro Bituricenſi archipræſuli hominium. Hæc tabulæ epiſcopales ; proindeque Guillelmi epiſcopatus non deſiit an. 1392. Laudatur in Gallia christiana Gemellorum fratrum, quod ædificium S. Cæciliæ Albienſis abſolverit, funda-


ANNI CHRISTI.
Averitque hoſpitium pauperum, ſub ſanctorum Petri & Andreæ Galliacenſis titulo.
LXVI. Petrus. II.

Hunc epiſcopum non ſine formidine adjicimus catalogo Albienſium antiſtitum. Nimirum in tabulis epiſcopalibus ſemel dumtaxat occurrit, videlicet die 1. Julii, an. 1386. quo hominium recipit a Raimundo de Moneſtier domicello, pro caſtro & valle de Moneſtier. Forte pro epiſcopali ſede contendit cum Guillelmo de Vouta, quod facile perſuaſum habemus.

De Florentia
LXVII. Dominicus.

Quid cauſæ fuerit, ut relicto Tomerienſi epiſcopatu, Dominicus de Florentia ad priſtinam ſedem redierit, ignoramus. Certe anno 1397.1397. die 30. Junii paciſcitur cum priore de Rabaſtenx Moiſſiacenſi monacho, pro nonnullis decimis. Anno vero 1409.
Ex tab. ep. Alb.
1409. adfuit concilio Piſano ante ſuam tranſlationem ad ſedem Toloſanam, factam per bullam Johannis papæ XXIII. datam idibus Septembris, anno 1. ejus pontificatus.

Nepos.
LXVIII. Petrus III.

Petrus cognomento Nepos, ſubdiaconus, licentiatus in legibus, decanus eccleſiæ collegiatæ de capella Taillefer, Lemovicenſsis diœceſis, canonicus Narbonenſis & Claromontanus, per tranſlationem Bertrandi de Malo-leone ad ſedem Biterrenſem electus eſt epiſcopus Vaurenſis an. 1408. poſſeſſionem adeptus I7. Octob. ejuſdem anni, qui tamen regis & eccleſiæ negotiis occupatus, diu diſtulit ad eccleſiam accedere.

Poſtea anno 1410.1410. Johannes XXIII. Dominico ad ſedem Toloſanam tranſlato, eum ſubrogavit data bulla nonis Septembris, ſui pontificatus anno 1. qua eum a vinculo quo ſedi Vaurenſi alligabatur, abſolvit, & Albienſi eccleſiæ præficit. Eidem Johanni papæ juramentum obedientiæ præſtitit anno 1411. qui altero poſt anno has ad noſtrum Petrum litteras dedit, rogans ut Bernardum comitem Armaniaci, ad ſanctæ ſedis apoſtolicæ obedientiam reduceret.

Johannis Papæ XXIII. litteræ
ad Petrum epiſcopum Albienſem

JOannes epiſcopus ſervus ſervorum Dei, venerabili fratri Petro epiſcopo Albienſi, ſalutem & apoſtolicam benedictionem. Dudum fraternitati tuæ commiſeſſe meminimus, ut ad dilectum filium nobilem virum Bernardum comitem Armeniaci perſonaliter te conferres, atque ipſum ad noſtrum & Romanæ eccleſiæ gremium, devotionem & obedientiam reducere conareris. In qua re cum necdum perceperimus te quam ſumme optavimus ac optamus, præbere operam potuiſſe, denuo fraternitatem tuam pulſare decrevimus, volentes quod in hoc tam laudando opere omnibus ſtudiis atque vigiliis, omnibuſque conatibus tuis elabores. Nos enim eidem fraternitati tuæ præfatum comitem reducendi, ac noſtro & præfatæ ecclesiæ nomine recipiendi, ceteraque quæ neceſſaria fore cognoveris exercendi, per alias litteras noſtras quas per lato-