Pagina:Gallia Christiana, 1715, T1.djvu/481

885

886

ECCLESIA AVENIONENSIS.

Aprivilegiis, ſtatutis, ac prædicta ejuſdem monaſterii regula juramento, vii. cal. Aprilis an. ab incarnatione 1600. In capitulo generali anni ſequentis 1601. 23. Februarii celebrato, quædam ſtuit ad officium divinum & morum converſionem ſpectantia. Anno 1617. conventum patrum Recollectorum Villæ-novæ ſub certis conditionibus exſtrui permisit. Anno 1604. clauſtra ruinæ proxima reficere ſenatus conſulto compulſus eſt. Hoc autem circiter tempore congregationi vulgo dictæ Exemtorum nomenB dederunt monachi ſancti Andreæ, inſtante præſertim fratre Petro Aymar decano ejuſdem monaſterii. Annis autem 1620. & 1627. præpoſitus generalis ejuſdem congregationis D. Johannes d’Alibert effecit apud eoſdem monachos ut monaſterium ſuum congregationi S. Mauri naſcenti unirent. Obiit Avenione anno 1634. cal. Martii J. Sicardus abbas, & ſepultus eſt in ſuperiori parte chori juxta tumulum D. Ludovici d’Aube de Roque-martine. XLIII. Franciſcus du Roure de S. Remezé e comitibus ſancti Remeſii, & ipſe unioni ſancti Andreæ congregationi ſancti Mauri incumbit ;C abbas autem factus eſt ceſſione Johannis Sicardi anno circiter 1631. vel 32. rexitque ad an. 1634. XLIV. Johannes-Baptiſta du Roure de S. Remezé reſignante fratre, & accedentibus litteris pontificiis ac regiis fit abbas regularis. An. 1634. quædam ſtatuta de officio divino, refectorio communi, aliiſque ad obſervantiam regularem ſpectantibus ſervanda proponit. Eo ſedente tentata jam a pluribus annis unio S. Andreæ cum congregatione S. Mauri feliciter abſoluta eſt, haud tamen ſine gravibus domini Petri Aymar piiſſimi decani incommodis, qui tandem eD carcere liber egreſſus, una cum domino de Vigneaux ſenatore, & aliquot e patribus hujus congregationis D. Petro Beziat S. Aniani priore, &c. in monaſterii poſſeſſionem immittitur an. 1635. annuentibus demum, ac ſenatui Toloſano morem gerentibus abbate & monachis, coram reverendo patre domno Ambroſio priore & reverendi patris domni Gregorii Tariſſe præpoſiti generalis procuratore an. 1637. neque vero multo poſt, refectorium ac dormitorium conſtrui fecit D. Sylveſter Perreciot prior ejuſdem monaſterii, anno ſcilicet 1646. Anno 1678. die 9. Auguſti ceſſit Joſepho du RoureE fratris ſui filio, retenta penſione. XLV. Joſeph du Roure ex libera ceſſione patrui ſui fit abbas, & poſſeſſionem abbatiæ nanciſcitur anno 1678. at cum nollet vitam monaſticam juxta regulam S. Benedicti profiteri, eam dimiſit. XLVI. Ludovicus Franciſcus du Roure regia ſchedula deſignatus abbas, adiit poſſeſſionem die 28. Febr. anni 1680. Adhuc præeſt. Abbatia S. Laurentii. fem. ord. S. Benedicti. HOc monaſterium virginum ordinis S. Benedicti in urbe Avenionenſi, ſub invocatione SS. Laurentii & Theodoriti martyrum

conditum refertur ab Amelio Avenionenſi comite, ejuſque conjuge, qui ibidem quieſcunt. Certe ſic lego in necrologio veteri ſancti Laurentii : vi. idus Februarii obiit Guiburga confraternitatis noſtræ incœptrix. Lanfredus ejuſque uxor Mabilis multa contulerunt anno 951. quæ ſequenti charta recenſentur : In Chriſti nomine, amen. Ego Lanfridus & uxor mea Mabilis pro ſalute animarum noſtrarum, & filii noſtri Amici, & pro præmio nobis acquirendo celeſtis gloria, de rebus noſtris aliquid in eleemoſinam Deo & ſanctæ Mariæ conferre cupientes, donamus, cedimus & transferimus in perpetuum ſacris virginibus ſub regulari beati Benedicti habitu Deo famulantibus, in monte S. Laurentii ſecus Avenionem, terras omnes arabiles quas habemus inter ipſum montem & Durentiam, cum manſo de Albaredo, & vineis in valle, omni conſuetudine ſolutis. Quod donum in præſentia reverendiſſimi patris Radonis electi Arelat. archiepiſcopi, & venerabilium dominorum Rangefridi Avenionenſis, & Heriberti Cavellicenſis epiſcoporum & coram ſubſcriptis teſtibus in capitulo prædictarum virginum ad mandatum domnæ Mauræ abbatiſſæ congregatarum publice fecimus, & mox ſuper altare beatæ Mariæ ejuſdem eccleſiæ detulimus ac depoſuimus, videntibus cunctis qui aderant pariter & laudantibus, quorum hæc ſunt nomina : Virmundus vicecomes, Aſcherius, Eſmeradus, Bozo, Pontius, Hubertus, & pro parte virginum reverendiſſimus Rado electus Arelat. Rangefridus Avenionenſis, & Heribertus Cavellicenſis epiſcopi, Urſio præpoſitus, Pontius canonicus, Stephanus filius Sigaldi & Deſiderius. Ut ego Lanfridus cum uxore mea qui libenter, libere & abſque ulla calumnia concedo & cedo in perpetuum, ut quiete ea omnia poſſideant & diſponant abbatiſſa & ſorores præſentes & futuræ, velut propria. Sit vero anathema qui contra hoc teſtamentum venerit vel auferre aut inferre damnum aliquod tentaverit. Actum anno incarnationis Dominicæ nongenteſimo quinquageſimo primo indictione nona xii. cal. Auguſti regni Boſonis domini noſtri xxvii. Ego Rado munere divino electus humilis ſanctæ Arelatenſis eccleſiæ archiepiſcopus ſubſcripſi & ſignavi. Ego Ragenfridus humilis epiſcopus ſanctæ Avenionenſis eccleſiæ ſubſcripſi & ſignavi. Ego Heribertus Cavellicenſis epiſcopus ſubſcripſi & ſignavi. Ego Urſio præpoſitus ſubſcripſi & ſignavi. SS. Pontii canonici & ceterorum qui ſupra. Frodo diaconus rogatus ſcripſit & ſubſcripſit in Dei nomine, Amen. Sequentes abbatiſſas ex vetuſtis ejuſdem parthenonis monumentis eruimus. Series abbatissarum. I. Maura, de qua in ſuperiori charta. II. Balda abbatiſſa anno 39. regnante Rodulfo rege, Chriſti 1033. ſubſcribit chartæ Archintrudis de Piſcatoria Bitorricæ. Memoratur xvi. cal. Januarii, in necrol.