Haec pagina emendata et bis lecta est
|
Approbatio Domini D’Arnaudin, Sorbone Doctoris, & librorum Censuris Regii.
E X mandato illustrissimi Galliarum Cancellarii legi & probavi opus, cui titulus est, Gallia Christiana &c. auctore Reverendo Patre de Sainte-Marthe diligenter & affabre elaboratum. Hoc appellato viro in rebus ecclesiasticis quam peritissimo & jam de republica litteraria ita bene merito, quis plura ad commendationem operis tam eximii & quod ecclesiæ Gallicanæ maxime dignitatem amplificat, desideraret ? Dabam Parisiis die 29. mensis Maii anni 1714. D’Arnaudin.
Approbatio Domini Capon, in Senatu Patroni, Juris Canonici in Collegio Regio Professoris, Regii librorum Censoris.
I Llustrissimi Franciæ Cancellarii jussu legi librum, cui titulus est, Gallia Christiana in Provincias distributa, auctore Reverendo Patre Domno Dionysio de Sainte-Marthe, Presbytero, Monacho Benedictino Congregationi sancti Mauri, Priore sancti Germani Parisiensi opus sane Sammarthani nominis, cui plurimum respublica litteraria debet, dignum, & forsan indefesso & improbo labori solius monachi eruditæ Congregationis pervium. Quominus typis mandetur, non solum nihil impedire, sed fore perutile censeo. Lutetiæ Parisiorum decima quarta die Junii anni millesimi septingentesimi decimi quarti. Capon.
|
NOTITIA
