Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/74

Haec pagina emendata est
72
STRATEGEMATICON LIB. I.

chum regem, qui secum Hannibalem victis jam Carthaginiensibus habebat, consiliumque ejus adversus Romanos instruebat, crebris cum Hannibale colloquiis[67] effecerunt, ut is regi fieret suspectus, cui gratissimus alioquin et utilis erat propter calliditatem et peritiam bellandi.

8. Q. Metellus, adversus Jugurtham bellum gerens, missos ad se legatos ejus corrupit[68], ut sibi proderent regem. Quum et alii venissent, idem fecit. Eodem consilio usus est et adversus tertios. Sed de captivitate Jugurthæ res parum processit, vivum enim tradi sibi volebat; plurimum tamen consequutus est: nam quum interceptæ fuissent epistolæ ejus ad regios amicos scriptæ, in omnes eos rex animadvertit, spoliatusque consiliis, amicos postea parare non potuit.

9. C. Cæsar, quum per exceptum quemdam aquatorem[69] comperisset, Afranium Petreiumque castra noctu moturos, ut citra vexationem suorum hostilia impediret consilia, initio stalim noctis vasa conclamare milites, et præter adversariorum castra agi mulos cum fremitu, et sonum continuare jussit, quo retentos volebat arbitrari, castra Cæsarem movere.

10. Scipio Africanus ad excipienda auxilia cum commeatibus, Hannibali venientia, M. Thermum dimisit, ipse subventurus[70].

11. Dionysius, Syracusanorum tyrannus, quum Afri ingenti multitudine[71] trajecturi essent in Siciliam, ad eum oppugnandum, castella pluribus locis communiit,