ut notarentum. A patribus deinde obtinuit, ne eis præterita æra procederent[16]. Tribuni quoque plebis de eadem re ad populum pertulerunt, omniumque consensu stabilita disciplina est.
23. Q. Metellus Macedonicus[17], in Hispania, quinque cohortes, quæ hostibus cesserant, testamentum facere jussas[18], ad locum recuperandum remisit: minatus, non nisi post victoriam receptum iri.
24. P. Valerio consule senatus præcepit exercitum ad Sirim victum ducere Firmum, ibique castra munire, et hiemem sub tentoriis exigere. Senatus, quum turpiter fugati ejus milites essent, decrevit ne auxilia ei submitterentur, nisi captis et victis hostibus.
25. Eis legionibus, quæ Punico bello militiam detractaverant, in Siciliam velut relegatis per septem annos hordeum ex senatusconsulto datum est[19].
26. L. Piso C. Titium, præfectum cohortis, quod loco fugitives cesserat, cinctu togæ præciso, soluta tunica, nudis pedibus in principiis[20] quotidie stare, dum vigiles venirent, jussit, conviviisque et balneo abstinere.
27. Sulla cohortem et centuriones, quorum stationem hostis perruperat, galeatos et discinctos perstare in principiis jussit.
28. Domitius Corbulo in Armenia, Æmilio Rufo,
