Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/232

Haec pagina emendata est
230
STRATEGEMATICON LIB. III.

humida, incenderent; deinde cum reliqua parte exercitus prima luce ad eliciendos hostes progressus, simulata fuga persequentes oppidanos longius cedendo protraxit. Insidiatores prope mœnia imperatum ignem acervis subjecerunt: unde obortum contemplati fumum Agrigentini, incensam civitalem suam existimaverunt, defendendæque ejus gratia dum trepide recurrunt, obviis eis, qui insidiati juxta muros erant, et a tergo instantibus, quos persequuti fuerant, in medio trucidati sunt.

6. Viriathus, disposito per occulta milite, paucos misit, qui abigerent pecora Segobrigensium[48]. Ad quæ illi vindicanda quum frequentes procucurrissent, simulantesque fugam prædatores persequerentur, deducti in insidias, cæsique sunt.

7. Scordisci equites, quum Heracleæ[49] duarum partium[50] præsidio præpositus esset Lucullus, pecora abigere simulantes, provocarunt eruptionem: fugam deinde mentiti, sequentem Lucullum in insidias deduxerunt, et octingentos cum eo milites occiderunt.

8. Chares, dux Atheniensium, civitatem aggressurus litori appositam, post quædam promontoria occulte habita classe, e navibus velocissimam præter hostilia præsidia ire jussit. Qua visa, quum omnia navigia, quæ pro custodia portus agebant, ad persequendam evolassent, Chares iu indefensum portum cum reliqua classe invectus, etiam civitatem occupavit.

9. Barca, dux Pœnorum, in Sicilia Lilybæum nostris