simulacra hominum armata Persici habitus imposuerat, noctuque eos monti admovit. Tura prima luce ex altera parte muros aggressus est, ubi orto jam sole simulacra illa, armatorum referentia habitum, refulserunt. Oppidani captam urbem ab tergo credentes[33], et ob hoc in fugam dilapsi, victoriam hostibus concesserunt.
1. Scipio apud Carthaginem sub discessum æstus maritimi sequutus Deum, ut dicebat, ducem, ad muros urbis accessit, et, cedente stagno[34], qua non exspectabatur, irrupit.
2. Fabius Maximus, Cunctatoris filius, apud Arpos[35], præsidio Hannibalis occupatos, considerato situ urbis, sexcentos milites obscura nocte misit, qui per munitam, eoque minus frequentem oppidi partem scalis evecti in murum, portas revellerent. Hi adjuti decidentium aquarum sono, qui operis strepitum obscurabat, jussa peragunt. Ipse, dato signo, ab illa[36] parte aggressus, cepit Arpos.
3. C. Marius, bello Jugurthino, apud flumen Mulucham, quum oppugnaret castellum, in monte saxeo situm, quod una et angusta semita adibatur, cetera parte (velut consulto) præcipiti, nuntiato sibi per Ligurem quemdam ex auxiliis gregalem militem, qui forte aquatum progressas, dum per saxa montis cochleas legit, ad summum pervenerat, erepi posse in castellum, pau-
