Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/212

Haec pagina emendata est
210
STRATEGEMATICON LIB. III.

recepti essent a custodibus, protinus eos adorti, occiderunt. Tum fracta porta admissus cum exercitu Hannibal, omnes Romanos interfecit, exceptis his qui in arcem profugerant.

7. Lysimachus, rex Macedonum, quum Ephesios oppugnaret, et illi in auxilio haberent Mandronem archipiratam, qui plerumque oueratas præda naves Ephesum appellebat, corrupto ei ad proditionem junxit fortissimos Macedonum, quos ille restrictis manibus pro captivis Ephesum introduceret: qui postea, raptis ex arce armis, urbem Lysimacho tradiderunt.


IV. Per quæ hostes ad inopiam redigantur.

1. Fabius Maximus, vastatis Campanorum agris, ne quid eis ad fiduciam obsidionis superesset, recessit sementis ternpore, ut frumentum, quod reliquum habebant, in sationes conferrent. Reversus deinde, renata protrivit, et ad famem redactis potitus est[19].

2. Antigonus adversus Athenienses idem fecit.

3. Dionysius, multis urbibus captis, quum Rheginos aggredi vellet[20], qui copiis abundabant, simulat pacem, petitque ab eis ut commeatus exercitui ipsius subministrarent. Quod quum impetrasset, exhausto oppidanorum frumento, aggressus urbem, alimentis destitutam superavit.

4. Idem et adversus Himeræos[21] fecisse dicitur.

5. Alexander oppugnaturus Leucadiam, commeatibus