recipiendi gratia Romani ita ardenter pugnaverunt, ut signum et victoriam retulerint.
2. Furius Agrippa consul, cedente cornu, signum militare, ereptum signifero, in hostes Hernicos et Æquos misit[98]. Quo facto ejus prœlium restitutum est: summa enim alacritate Romani ad recipiendum signum incubuerunt.
3. T. Quinctius Capitolinus consul[99] signum in hostes Faliscos ejecit, militesque id repetere jussit.
4. Salvius Pelignus bello Persico idem fecit.
5. M. Furius Camillus, tribunus militum consulari potestate, cunctante exercitu, arreptum manu signiferum in hostes Volscos et Latinos traxit: ceteros puduit non sequi[100].
6. M. Furius, averso exercitu, quum occurrisset, affirmavit non recepturum se in castra quemquam, nisi victorem[101]: reductisque in aciem, victoria potitus est.
7. Scipio apud Numantiam, quum aversum suum videret exercitum, pronuntiavit pro hoste sibi futurum quisquis in castra redisset.
8. Servilius Priscus dictator, quum signa legionum ferri in hostes Faliscos jussisset, signiferum cunctantem occidi imperavit[102]. Quo exemplo perterriti ceteri, hostem invaserunt.
9. Tarquinius, adversus Sabinos, cunctantes equi-
