Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/178

Haec pagina emendata est
176
STRATEGEMATICON LIB. II.

legam vivere, et se dextro cornu vicisse. Qua constantia redintegratis animis suorum, vicit.

12. Marius, adversus Cimbros et Teutonos quum metatores ejus per imprudentiam[96] ita castris locum cepissent, ut sub potestate barbarorum esset aqua, flagitantibus eam suis, digito hostem ostendens: « Illine, inquit, petenda est. » Quo instinctu assequutus est, ut protinus barbari tollerentur.

13. T. Labienus post Pharsalicam pugnam, quum, victis partibus, Dyrrachium refugisset, miscuit vera falsis, et, non celato exitu pugnæ, æquatam partium fortunam gravi vulnere Cæsaris finxit: et hac assimulatione reliquis Pompeianarum partium fiduciam fecit.

14. M. Cato, quum Ambraciam eo tempore, quo sociæ naves ab Ætolis oppugnabantur, imprudens uno lembo appulisset, quanquam nihil secum præsidii haberet, cœpit signum voce gestuque dare, quo videretur subsequentes suorum naves vocare: eaque asseveratione hostem terruit, tanquam plane appropinquarent, qui quasi ex proximo citabantur. Ætoli, ne adventu Romanæ classis opprimerentur, reliquerunt oppugnationem.


VIII. De restituenda per constantiam acie.

1. Servius Tullius adolescens, prœlio, quo rex Tarquinius adversus Sabinos conflixit, signiferis segnius dimicantibus, raptum signum in hostem misit[97]; cujus