mana adaperta cum clamore procurrit. Triginta quinque millia armatorum eo prœlio interfecta cum ipsis ducibus Livius tradit[73], receptas quinque Romanas aquilas, signa sex et viginti, limita spolia, inter quæ quinque fasces cum securibus.
35. C. Cassius in Syria adversus Parthos ducens aciem, equitem ostendit a fronte, quum ab tergo peditem in confragoso loco occultasset; dein, cedente equitatu, et per nota se recipiente, in præparatas insidias perduxit exercitum Parthorum, et cecidit.
36. Ventidius, Parthos et Labienum alacres successibus victoriarum, dum suos ipse per simulationem metus continet, evocavit, et in loca iniqua deductos, aggressus per obreptionem, adeo debellavit, ut, destituto Labieno[74], provincia excederent Parthi.
37. Idem adversus Pharnastanis[75] Parthos, quum ipse exiguum numerum militum haberet, illis autem fiduciam ex multitudine videret increscere, ad latus castrorum octodecim cohortes in obscura valle posuit, equitatu post terga peditum collocato. Tum paucos admodum milites in hostem misit: qui ubi simulata fuga hostem effuse sequentem ultra locum insidiarum perduxere, coorta a latere acies, præcipitatis in fugam Parthis, in his Pharnastanem interfecit.
38. C. Cæsar, suis et Afranii castris contrarias te-
