Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/150

Haec pagina emendata est
148
STRATEGEMATICON LIB. II.

vit exercitum. Hannibal per diversam partem castra ejus occupavit: et illa in tergum Romanorum effusus, octo millia fortissimorum militum cum ipso duce trucidavit[62].

22. Idem Hannibal, quum inter Fabium dictatorem, et Minucium magistrum equitum, divisus esset exercitus, et Fabius occasionibus immineret, Minucius pugnandi cupiditate flagraret, castra in campo, qui medius inter hostes erat, posuit; et, quum partem peditum in confragosis rupibus celasset, ipse ad evocandum hostem misit, qui proximum tumulum occuparent. Ad quos opprimendos, quum eduxisset copias Minucius, insidiatores, ab Hannibale dispositi, subito consurrexerunt, et delessent Minucii exercitum, nisi Fabius periclitantibus subvenisset[63].

23. Idem Hannibal, quum ad Trebiam[64] in conspectu haberet Sempronii Longi consulis castra, medio amne interfluente, sævissima hieme Magonem et electos in insidiis posuit. Deinde Numidas equites, ad eliciendam Sempronii credulitatem, adequitare vallo ejus jussit: quibus præceperat, ut ad primum nostrorum incursum per nota refugerent vada. Hos consul et adortus temere, et sequutus, jejunum exercitum in maximo frigore transitu fluminis rigefecit. Mox torpore et inedia affectis Hannibal suum militem opposuit, quem ad id ignibus, oleoque, et cibo foverat: nec vero defuit partibus Mage, quin terga hostium in hoc ordinatus cæderet.