Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/136

Haec pagina emendata est
134
STRATEGEMATICON LIB. II.

Thebanos rem gerens, repente in dextrum suorum cornu prosiluit, et exclamavit, sinistro jam se vicisse. Qua re et suis alacritate, et hostibus metu injecto, vicit.

12. Crœsus[48] prævalido hostium equitatui camelorum gregem opposuit: quorum novitate et horrore consternati equi, non solum insidentes præcipitaverunt, sed peditum quoque suorum ordines protriverunt, vincendosque hosti præbuerunt.

13. Pyrrhus, Epirotarum rex, pro Tarentinis adversus Romanos, eodem modo elephantis ad perturbandam aciem usus est.

14. Pœni quoque adversus Romanos idem fecerunt frequenter.

15. Volscorum castra quum prope virgulta silvasque posita essent, Camillus ea omnia, quæ conceptum ignem usque in vallum perferre poterant, incendit: et sic adversarios exuit castris[49].

16. P. Crassus, bello Sociali, eodem modo prope cum copiis omnibus interceptus est.

17. Hispani contra Hamilcarem boves vehiculis adjunctos in prima fronte constituerunt, vebiculaque tædæ, sebi et sulphuris plena, signo pugnæ dato, incenderunt: actis deinde in hostem bubus, consternatam aciem perruperunt.

18. Falisci et Tarquinienses[50], compluribus suorum in habitum sacerdotum subornatis, faces et angues