Haec pagina emendata est
336
C a p. VIII.
Ecclesiæ, Doctores sunt sancti. In hujusmodi portis mandragoræ dant odorem, cum spirituales quiq; ex se virtutum famam longe lateque spargunt.
- Omnia poma nova & vetera, Dilecte mi, servabi tibi.
Poma nova & vetera, præcepta sive promissa sunt novi veteris Testamenti, quæ omnia ad ejus gratiam refert Ecclesia.
C a p. VIII.
- 1 Quis mihi det te fratrem meum sugentem ubera matris meæ!
ox ista est antiquorum justorum optantium adventum Christi in carne. Sugentem ubera matris meæ, id est, in Synagoga nasci ad nutriri juxta humanæ conditionis naturam.
- Ut inveniam te foris & osculer.
Intus erat Dilectus dum in principio erat Verbum; foris, dum Verbum caro factum est. Osculer, id est, facie ad faciem videam, & ore ad os loquar.
Et
