Haec pagina emendata est
325
C a p. VI.
- 5 Averte oculos tuos a me, quia ipsi me avolare fecerunt.
Id est, oculos mentis tuæ. Noli quærere in tuæ peregrinationis itinere perfecte me cognoscere, quod fieri non potest; quia quo intentius me agnoscere quæris, eo certius me incomprehensibilem esse intelliges; & non quæras in via præmium quod tibi in patria reservatur.
- Capilli tui sicut grex caprarum quæ apparuerunt de Galaad. 6 Dentes tui sicut greges ovium, quæ ascenderunt de lavacro, omnes gemellis fœtibus, & sterilis non est in eis.
Hi versiculi prius expositi sunt, sed repetitio firmitatis est indicium. In capillis, populi; in dentibus, Doctores; in gemellis fœtibus, duo præcepta charitatis intelliguntur.
- Sicut cortex mali punici genæ tuæ, aqsque oculis tuis.
Genæ, sanctæ Ecclesiæ spirituales sunt Patres, qui virtutibus sunt mirabiles, & moribus venerabiles,
in
Tt 3
