Haec pagina emendata et bis lecta est
Recte quidem dicis; sed ille laeserat etiam Cherubicum ordinem.[1] Nam huius opera potissimum effectum praedicant, ut Bernae quatuor illi Dominicani traderentur flammis,[2] quum alioqui Pontificis animum pecunia fuerint expugnaturi.
- ph. Sed aiunt illos prodigiosae impietatis orsos fabulam. Fictis visionibus ac miraculis agebant, ut persuaderent Virginem matrem fuisse contaminatam labe originali, divum Franciscum non habuisse vera Christi vulnerum vestigia, ea verius habuisse Catarinam Senensem; sed perfectissima pollicebantur laico converso,[3] quem ad hanc fabulam agendam subornaverant; et ad hanc imposturam abutebantur corpore Domini, postremo etiam fustibus, et venenis. Denique praedicant hanc telam non fuisse unius monasterii, sed totius ordinis procerum.
- th. Utcunque ista habent, non temere dictum est a Deo, Nolite tangere Christos meos.[4]
- ph. Expecto si quid superest.
- th. Superest apocalypsis sexta, qua Dominus iuravit illi futurum, ut fautores ordinis Seraphici, quantumvis impie viverent, tamen aliquando Domini misericordiam consequerentur, et sceleratam vitam beato fine clauderent.
- ph. Etiamne si in adulterio
