sus est, et viginti ferè Philistæis interemptis; universum exercitum terrore perculit.
Itaque Philistæi perturbati coeperunt non jam ordines servāre, non imperia exequi, sed fugæ se committere.
Quod ubi Saul animadvertit, copias castris eduxit, et fugientes persecutus, insignem victoriam retulit.
Saul, dum persequeretur Philistæos, edixerat ne quis nisi confectis hostibus, cibum sumeret, mortem cum juramento minātus illi qui contra edictum fecisset.
Jonathas tunc aberat, nec rēgis imperium audierat.
Accidit ut exercitus trajicerat silvam in quâ esset plurimùm mellis silvestris.
Jonathas edicti paterni nescius, extendit virgam, quam manu tenebat eamque in mel intinctam ōri admōvit.
Id ubi rex cognovit, filium morte plecti voluit: sed recens meritum periculo juvenem exénit: nec populus tulit insontem ad supplicium trahi.
2 Saul posteà, jubente Deo, bellutn Amalecitis in-
