Quarè admonitus à Deo Samuel annuit eðrum postulationi, et Saulem regem consecravit.
Erat Saulis ingens statura et forma excellens, adeò ut dignitas corporis dignitati regiæ pulchrè conveniret.
Philistæi in agrum Hebræorum irruptionem fecērunt.
Quapropter Saūl adversùs illos processit, et apud Galgala urbem insignem istius regionis castra posuit.
Porrò Samuel edixerat ut se per septem dies expectārent, neve manum cum hoste priùs consererent, quàm ipse veniens Deo sacrificium faceret.
Die Septimo, quùm Samuel moraretur, et populus moræ pertæsus dilaberetur, Saūl ipse sacrificium fecit loco sacerdotis.
Vix peracto sacrificio, venit Samuel, rēgemque gravitèr reprehendit, quòd mūnus proprium sacerdotum sibi temerè arrogavisset.
Quum Hebræi à Philistæis premerentur, Jonathas Saulis filius, audax consilium cepit et perfecit.
Sōlo armigero comite, castra hostium ingres-
