Josephus jussit fratrum saccos implēri tritico, et pecuniam quam attulerant reponi in ōre saccorum addidit insuper cibaria in viam.
Deindè dimisit eos, præter Simeonem, quem retinuit obsidem.
Itaque profecti sunt fratres Josephi, et quùm venissent ad patrem, narravērunt ei omnia quas sibi acciderant.
Quùm aperuissent saccos, ut effunderent frumenta, mirantes repererunt pecuniam.
Jacobus, ut audivit Benjaminum arcessi à Præfecto Egypti cum gemitu questus est.
Orbum me liberis fecistis; Josephus mortuus est; Simeon retentus est in Ægypto; Benjaminum vultis abducere.
Hæc omnia mala in me recidunt; non dimittam Benjaminum: nam si quid ei adversi acciderit in vià, non potero ei superstes vivere, et dolore oppressus moriar.
Postquam consumpti sunt cibi quos attulerant, Jacobus dixit filiis suis: Proficiscimini iterùm in Egyptum, ut emātis cibos.
Qui responderunt: Non possumus adīre Præ-
