DOCTORI MEDICO,
Amico optimo,
TYCHO BRAHE
Otthonides,
S. D.
.jpg)
ECEPI LITERAS TUAS, CLARISSIme
Doctor Iohannes amicorum optime: in quibus, id,
quod tu, una cum aliis viris doctis, amicis, nostris, toties,
Hafniae coram postulasti, nunc denuo, scriptis, absens
non cessas efflagitare: ut nimirum, Diarium illud Astrologicum
et Metheorologicum, a me circa elapsae hyemis initia elaboratum,
nunc demum typis mandai et publice edi, amplius non recusem.
Multas, ut in tuam descendam sententiam, et eas quidem iustas, nec
facile aspernendas, adducis rationes; verum, cum meo me pede metior, id
quod saepius tibi et aliis haec eadem a me postulantibus respondi, non possum
non adhuc respondere: me, non statuere, id scriptum, ea diligentia absolutum,
et ad eam maturitatem deductum: ut dignum sit in lucem prodire,
ac manibus teri doctorum. Nec enim, eum in finem iste labor a me
susceptus est, ut, publice edi velim; sed saltem, meipsum et domesticos
amicos, hac qualicumque dierii Astrologica et Metheorologica descriptione,
oblectandi gratia. Nam, et Adrianum Imperatorem, sibi quotannis
prognostica ex astris conscribere, non erubuisse legimus. At, si in publicum
emittere decrevissem, mairem sane in eo conficiendo adhibuissem diligentiam:
et multa, quae passim desiderantur, ac silentio, ob festinationem praeterita
sunt, suis numeris absoluissem: multa, oscitanter et currenti calamo
inserta, deliberatius expendissem. Non enim, ut verum fatear, mihi
ipsi in omnibus satisfacio: nec facile erat, tot aliis negotiis tum praesertim
Spagiricis meis exercitiis occupato, quiddam perfectius, magisque enucleatum,
pro ea temporis exigua occasione, in tam difficili, et a paucis
hactenus recte tractata materia, praestare. Sed his, tu, pro tuo illo,
erga nos singulari et benevolo affectu, candide obvias: asserens, scriptum
illud, etsi extemporaneum sit, et propter alias occupationes ad perfectam
maturitatem non elaboratum: tamen eiusmodi esse, ut non sine
fructu ab harum Artium studiosis legi possit: multaque in eo contine-
