Domino de Knudsdorp, Iuveni docto,
et vere nobili
S. D.
.jpg)
UM NUPER RELICTIS DOMESTICIS
Musis, et Pyronomicis tuis exercitiis Hafniae, apud nos
esses, Tycho nobilissime: ac de communibus studiis, ultro
citroque qui mos noster est, conferreremus: inter reliqua
ingenii tuie, quae domi supprimis, monumenta, Diarium
labentis huius Anni, singulari et erudita a te Methodo conscriptum,
produxisti, mihique legendum communicasti. Quod quidem, ut perlustravi
diligentius, summopere placuit, et mirifice me recreavit. Quapropter
cepi diligenter te statim ad editionem cohortari: ut aliis quoque tam utilis
foecundusque labor, inseruiret. Videbam enim, plurima ibi contineri,
quae, si publicarentur, plurimum lucis rebus Astronomicis adderent:
multa, in Arte, bactenus dubia parumque firma, corrigerent: multos
denique communium Astrologorum receptos ignotosque errores detegerent.
Nam, praeterquam quod lectissimorum Artificum decreta sequutus,
quae in iis difficilia paucisque evoluta sunt, Exemplis illustribus declaras,
et tanquam occlusum Silenum, intus, conspicienda proponas: etiam proprias,
in utraque Astrologia Observationes, certas illas quidem, et magno,
a te, tot inauditorum Organorum fabricatione, tot improbis laboribus,
tot vigilatarum noctium taedio redemtas, proponis. Verum ad editionem
te suadenti, et tum temporis, et aliquoties etiam postea, parum
obsecundans fuisti: causas quasdam adducens, quae tibi quidem
satisfacere poterant: mihi vero, tantum abest quod satisfecerint, ut
etiam in proposito meo plus me confirmarint. Etenim, quod hasce
tuas pagellas (tuis enim verbis utor) non eum in finem. ut orbi ederentur,
conscripsisse te respondes; sed rudiores esse tantum, et extemporaneas,
tuarum, iis de rebus meditationum, delineationes, tibi reseruandas,
neque ideo dignas publice legi: facit id quidem, mi Tycho, modestus
ille animus; qui, quanto, pulcherrimarum et sublimium rerum
