et quod Fæmina ſit Amor ſapientiæ iſtius; quare a creatione inſitus eſt utrique Amor conjunctionis in unum; ſed de his dicentur plura in ſequentibus. Quod fæmininum ſit ex maſculino, ſeu quod Mulier deſumpta ſit ex Viro, conſtat ex his in Geneſi,, Jehovah Deus deſumpſit unam de Coſtis Viri, & incluſit carnem pro ea, & ædificavit Coſtam, quam ſumſerat de homine, in Mulierem; & adduxit eam ad hominem; & dixit homo, hæc eſt Os de oſſibus meis, & Caro de carne mea, hinc vocabitur Iſchah, quia de Viro ſumpta eſt" Cap. II: 21. 22. 23; quid ſignificat Coſta & quid Caro, alibi dicetur.
33. Ex primitiva hac formatione fluit, quod Maſculus naſcatur Intellectualis, & quod Fæmina naſcatur Voluntaria, ſeu quod idem, quod Maſculus naſcatur in affectionem ſciendi, intelligendi, & ſapiendi, & quod Fæmina naſcatur in Amorem conjungendi ſe cum illa affectione in Maſculo. Et quia Interiora ad ſimilitudinem ſuam formant Exteriora, & Forma maſculina eſt forma Intellectus, ac Forma fæminina eſt forma Amoris ejus, inde eſt quod Maſculus ſit alia facie, alio ſono, & alio corpore, quam Fæmina; nempe facie duriore, ſono aſperiore, & corpore fortiori, ac inſuper mento barbato, in genere forma impulchriore, quam fæmina; differunt etiam geſtibus & moribus; verbo, non eſt quicquam ſimile, ſed uſque eſt conjunctivum in ſingulis; imo eſt maſculinum in maſculo, in omni parte, etiam in minima corporis ejus, maſculinum, & quoque in omni idea cogitationis, & in omni mica affectionis ejus; ſimiliter Fæmininum in fæmina; & quia ſic unum non mutari poteſt in alterum, ſequitur quod poſt mortem maſculus ſit maſculus, & quod fæmina ſit fæmina.
34. III: Quod suus Amor apud unumquemvis post mortem maneat. Homo novit, quod Amor ſit, ſed non novit, quid Amor eſt; novit quod amor ſit ex communi loquela, ut quod dicatur, quod ille me amet, quod Rex amet ſubditos, & quod ſubditi ament Regem, quod maritus amet uxorem, & quod mater liberos, & viciſſim; tum quod hic & ille amet patriam, concives, proximum: ſimiliter de rebus abſtractis a perſona, ut quod amet hoc aut illud. Sed tametſi Amor tam univerſale eſt in loquelis, uſque vix aliquis novit quid Amor; dum meditatur de eo, quia tunc non poteſt aliquam ideam cogitationis de eo ſibi formare, ita non ſiſtere illum in lucem intellectus, ex cauſa quia non eſt lucis, ſed eſt caloris, dicit illum vel non eſſe aliquid, vel ſolum eſſe aliquod influens ex viſu, auditu, & converſatione, & ſic movens; neſcit prorſus, quod ſit ipſa ejus vita, non modo vita communis totius ejus corporis, & vita communis omnium ejus cogitationum, ſed etiam vita omnium ſingularium eorum: hoc poteſt ſapiens percipere ex hoc, cum dicitur, ſi removes affectionem amoris, an potes cogitare aliquid, & an potes agere aliquid; annon quantum frigeſcit affectio quæ eſt amoris, tantum frigeſcat cogitatio, loquela & actio, & quantum incaleſcit, tantum incaleſcant illæ. Eſt itaque Amor Calor vitæ hominis, ſeu calor vitalis ejus; calor ſanguinis, & quoque rubor ejus, non aliunde ſunt; Ignis Solis Angelici, qui eſt purus Amor, hoc facit.
35. Quod ſuus amor cuivis ſit, ſeu diſtinctus ab amore alterius, hoc eſt,
