Pagina:Codex Amiatinus novum testamentum latine (1854).djvu/267

213

LIBER ACTUUM APOSTOLORUM

---

autem visum vidit, statim quaesivimus proficisci in Macedoniam, certi facti quia vocasset nos deus evangelizare eis. ¹¹Navigantes autem a Troade recto cursu venimus Samothraciam, et sequenti die Neapolim, ¹²et inde Philippis, quae est prima parte Macedoniae civitas, colonia. Eramus autem in hac urbe diebus aliquot conferentes. ¹³Die autem sabbatorum egressi sumus foras portam iuxta flumen, ubi videbatur oratio esse, et sedentes loquebamur mulieribus quae convenerant. ¹⁴Et quaedam mulier nomine Lydia, purpuraria civitatis Thyatirenorum colens deum, audivit, cuius dominus aperuit cor intendere his quae dicebantur a Paulo. ¹⁵Cum autem baptizata esset et domus eius, deprecata est dicens Si iudicastis me fidelem domino esse, introite in domum meam et manete. Et coegit nos. ¹⁶Factum est autem euntibus nobis ad orationem, puellam quandam habentem spiritum pithonem obviare nobis, quae quaestum magnum praestabat dominis suis divinando. ¹⁷Haec subsecuta Paulum et nos clamabat dicens Isti homines servi dei excelsi sunt, qui adnuntiant vobis viam salutis. ¹⁸Hoc autem faciebat multis diebus. Dolens autem Paulus et conversus spiritui dixit Praecipio tibi in nomine Iesu Christi exire ab ea. Et exiit eadem hora. ¹⁹Videntes autem domini eius quia exivit spes quaestus eorum, adprehendentes Paulum et Silam perduxerunt ad forum ad principes, ²⁰et offerentes eos magistratibus dixerunt Hi homines conturbant civitatem nostram, cum sint Iudaei, ²¹et adnuntiant morem quem non licet nobis suscipere neque facere, cum simus Romani. ²²Et concurrit plebs adversus eos, et magistratus scissis tunicis eorum iusserunt virgis caedi, ²³et cum multas plagas eis imposuissent, miserunt eos in carcerem, praecipientes custodi ut diligenter custodiret eos; ²⁴qui cum tale praeceptum accepisset, misit eos in interiorem carcerem et pedes eorum strinxit in ligno. ²⁵Media autem nocte Paulus et Silas adorantes deum hymnum dicebant; et audiebant eos qui in custodia erant. ²⁶Subito vero terrae motus factus est magnus, ita ut moverentur fundamenta carceris, et aperta sunt statim ostia omnia, et universorum vincula soluta sunt. ²⁷Expergefactus autem custos carceris et videns apertas ianuas carceris, evaginato gladio volebat se interficere, aestimans fugisse vinctos. ²⁸Clamavit Paulus magna voce dicens Nihil mali tibi feceris: universi enim hic sumus. ²⁹Petitoque lumine introgressus est, et tremefactus procidit ad pedes Paulo et Silae, ³⁰et producens eos foras ait Domini, quid me oportet facere ut salvus fiam? ³¹At illi dixerunt Crede in domino Iesu, et salvus eris tu et domus tua. ³²Et locuti sunt ei verbum domini, cum ommibus qui erant in domo eius. ³³Et tollens eos in illa hora noctis

XVI, 11 — 33.