Pagina:Codex Amiatinus novum testamentum latine (1854).djvu/252

198

LIBER ACTUUM APOSTOLORUM

---

XL apparuit illi in deserto montis Sina angelus in igne flammae rubi. ³¹Moses autem videns admiratus est visum, et accedente illo ut consideraret, facta est vox domini ³²Ego dominus patrum tuorum, deus Abraham et deus Isaac et deus Iacob. Tremefactus est Moses, non audebat considerare. ³³Dixit autem illi dominus Solve calciamentum pedum tuorum: locus enim in quo stas terra sancta est. ³⁴Videns vidi afflictionem populi mei qui est in Aegypto, et gemitum eorum audivi, et descendi liberare eos: et nunc veni et mittam te in Aegyptum. ³⁵Hunc Mosen, quem negaverunt dicentes Quis te constituit principem et iudicem? hunc deus principem et redemtorem misit cum manu angeli qui apparuit illi in rubo. ³⁶Hic eduxit illos faciens prodigia et signa in terra Aegypti et in rubro mari et in deserto annis XL. ³⁷Hic est Moses qui dixit filiis Israhel Prophetam vobis suscitavit deus de fratribus vestris tamquam me, ipsum audietis. ³⁸Hic est qui fuit in ecclesia in solitudine cum angelo qui loquebatur ei in monte Sina et cum patribus nostris, qui accepit verba vitae dare nobis, ³⁹cui noluerunt oboedire patres nostri, sed reppulerunt et aversi sunt cordibus suis in Aegyptum, ⁴⁰dicentes ad Aaron Fac nobis deos qui praecedant nos: Moses enim hic qui eduxit nos de terra Aegypti, nescimus quid factum sit ei. ⁴⁰Et vitulum fecerunt in illis diebus et optulerunt hostiam simulacro, et laetabantur in operibus manuum suarum. ⁴²Convertit autem deus et tradidit eos servire militiae caeli, sicut scriptum est in libro prophetarum Numquid victimas aut hostias optulistis mihi annis XL in deserto, domus Israhel, ⁴³et suscepistis tabernaculum Moloch et sidus dei vestri Remfam, figuras quas fecistis adorare eas? Transferam vos trans Babylonem. ⁴⁴Tabernaculum testimonii fuit patribus nostris in deserto, sicut disposuit loquens ad Mosen, ut faceret illud secundum formam quam viderat, ⁴⁵quod et induxerunt suscipientes patres nostri cum Iesu in possessionem gentium quas expulit deus a facie patrum nostrorum, usque in diebus David, ⁴⁶qui invenit gratiam ante deum et petiit ut inveniret tabernaculum deo Iacob. ⁴⁷Salomon autem aedificavit illi domum. ⁴⁸Sed non excelsus in manufactis habitat, sicut propheta dicit ⁴⁹Caelum mihi sedis est, terra autem scabellum pedum meorum. Quam domum aedificabitis mihi? dicit dominus, aut quis locus requietionis meae est? ⁵⁰Nonne manus mea fecit haec omnia? ⁵¹Duri cervice et incircumcisi cordibus et auribus, vos semper spiritui sancto restitistis, sicut patres vestri et vos. ⁵²Quem prophetarum non sunt persecuti patres vestri? Et occiderunt eos qui praenuntiabant de adventu iusti, cuius nunc proditores et homicidae fuistis, ⁵³qui accepistis legem in dispositionem

VII, 34 — 53.