Pagina:Codex Amiatinus novum testamentum latine (1854).djvu/242

I.

¹ Primum quidem sermonem feci de omnibus, o Theophile, quae coepit Iesus facere et docere, ²usque in diem qua praecipiens apostolis per spiritum sanctum quos elegit adsumtus est: ³quibus et praebuit se ipsum vivum post passionem suam in multis argumentis, per dies quadraginta apparens eis et loquens de regno dei: ⁴et convescens praecepit eis ab Hierosolymis ne discederent, sed expectarent promissionem patris quam audistis per os meum, ⁵quia Iohannes quidem baptizavit aqua, vos autem baptizamini spiritu sancto non post multos hos dies. ⁶Igitur qui convenerunt interrogabant eum dicentes Domine, si in tempore hoc restitues regnum Israhel? ⁷Dixit autem eis Non est vestrum nosse tempora vel momenta quae pater posuit in sua potestate, ⁸sed accipietis virtutem supervenientis spiritus sancti in vos, et eritis mihi testes in Hierusalem et in omni Iudaea et Samaria et usque ad ultimum terrae. ⁹Et cum haec dixisset, videntibus illis elevatus est, et nubes suscepit eum ab oculis eorum. ¹⁰Cumque intuerentur in caelum euntem illum, ecce duo viri adstiterunt iuxta illos in vestibus albis, ¹¹qui et dixerunt Viri Galilaei, quid statis aspicientes in caelum? hic Iesus qui adsumtus est a vobis in caelum, sic veniet quemadmodum vidistis eum euntem in caelum. ¹²Tunc reversi sunt Hierosolymam a monte qui vocatur oliveti, qui est iuxta Hierusalem sabbati habens iter. ¹³Et cum introissent in cenaculum, ascenderunt ubi manebant Petrus et Iohannes, Iacobus et Andreas, Philippus et Thomas, Bartholomeus et Matheus, acobus Alfei, Simon Zelotes et Iudas Iacobi: ¹⁴Hi omnes erant perseverantes unanimiter in oratione cum mulieribus et Maria matre Iesu et fratribus eius. ¹⁵In diebus illis exsurgens Petrus in medio fratrum dixit: erat autem turba hominum simul fere centum viginti: ¹⁶Viri fratres, oportet impleri scripturam quam praedixit spiritus sanctus per os David de Iuda, qui fuit dux eorum qui conprehenderunt Iesum, ¹⁷qui

I, 1 — 17.