Pagina:Codex Amiatinus novum testamentum latine (1854).djvu/155

101

EVANGELIUM SECUNDUM LUCAM

---

side Syriae Cyrino: ³et ibant omnes ut profiterentur singuli in suam civitatem. ⁴Ascendit autem et Ioseph a Galilaea de civitate Nazareth in Iudaeam civitatem David quae vocatur Bethleem, eo quod esset de domo et familia David, ⁵ut profiteretur cum Maria desponsata sibi uxore praegnate. ^{6 (2, 5.)}Factum est autem cum essent ibi, impleti sunt dies ut pareret, ⁷et peperit filium suum primogenitum , et pannis eum involvit et reclinavit eum in · praesipio, quia non erat eis locus in diversorio. ^{8 (3, 10.)}Et pastores erant in regione eadem vigilantes et custodientes vigilias noctis supra gregem suum. ⁹Et ecce angelus domini stetit iuxta illos, et claritas dei circumfulsit illos, et timuerunt timore magno. ¹⁰Et dixit illis angelus Nolite timere: ecce enim evangelizo vobis gaudium magnum, quod erit omni populo, ¹¹quia natus est vobis hodie salvator, qui est Christus dominus, in civitate David. ¹²Et hoc vobis signum: invenietis infantem pannis involutum et positum in praesipio. ¹³Et subito facta est cum angelo multitudo militiae caelestis laudantium deum et dicentium ¹⁴Gloria in altissimis deo, et in terra pax in hominibus bonae voluntatis. ¹⁵Et factum est ut discesserunt ab eis angeli in caelum, pastores loquebantur ad invicem Transeamus usque Bethlem et videamus hoc verbum quod factum est, quod fecit dominus et ostendit nobis. ¹⁶Et venerunt festinantes, et invenerunt Mariam et Ioseph et infantem positum in · praesipio. ¹⁷Videntes autem cognoverunt de verbo quod dictum erat illis de puero hoc. ¹⁸Et omnes qui audierunt mirati sunt et de his quae dicta erant a pastoribus ad ipsos: ¹⁹Maria autem conservabat omnia verba haec conferens in corde suo. ²⁰Et reversi sunt pastores, glorificantes et laudantes deum in omnibus quae audierant et viderant sicut dictum est ad illos. ²¹Et postquam consummati sunt dies octo ut circumcideretur, vocatum est nomen eius Iesus, quod vocatum est ab angelo prius quam in utero conciperetur. ²²Et postquam impleti sunt dies purgationis eius secundum legem Mosi, tulerunt illum in Hierusalem ut sisterent eum domino, ²³sicut scriptum est in lege domini quia omne masculinum adaperiens vulvam sanctum domino vocabitur, ²⁴et ut darent hostiam secundum quod dictum est in lege, par turturum aut duos pullos columbarum. ²⁵Et ecce homo erat in Hierusalem cui nomen Symeon, et homo iste iustus et timoratus, expectans consolationem Israhel, et spiritus sanctus erat in eo: ²⁶et responsum acceperat ab spiritu sancto, non visurum se mortem nisi prius videret Christum domini. ²⁷Et venit in spiritu in templum: et cum inducerent puerum Iesum parentes eius ut facerent secundum consuetudinem legis pro eo, ²⁸et ipse accepit eum in ulnas suas et

II, 3 — 28.