Pagina:Codex Amiatinus novum testamentum latine (1854).djvu/142

Haec pagina emendata est

88

EVANGELIUM SECUNDUM MARCUM

tradidit Iesum flagellis caesum ut crucifigeretur. ¹⁶ ^{(207, 4.)}Milites autem duxerunt eum iri atrium praetorii, et convocant totam cohortem, ¹⁷et induunt eum purpura, et inponunt ei plectentes spineam coronam, ¹⁸et coeperunt salutare eum Have rex Iudaeorum: ¹⁹et percutiebant caput eius harundine et conspuebant eum, et ponentes genua adorabant eum. ²⁰ ^{(208, 6.)}Et postquam inluserunt ei, exuerunt illum purpura et induerunt eum vestimentis suis, et educunt illum ut crucifigerent eum. ²¹ ^{(209, 1.)}Et angariaverunt praetereuntem quempiam, Simonem Cyreneum, venientem de villa, patrem Alexandri et Rufi, ut tolleret crucem eius. ²² ^{(210, 1.)}Et perducunt illum in Golgotha locum, quod est interpretatum calvariae locus. ²³ ^{(211, 4.)}Et dabant ei bibere murratum vinum, et non accepit. ²⁴ ^{(212, 1.)}Et crucifigentes eum diviserunt vestimenta eius, mittentes sortem super eis, quis quid tolleret. ²⁵ ^{(213, 10.)}Erat autem hora tertia et crucifixerunt eum. ²⁶ ^{(214, 1.)}Et erat titulus causae eius inscriptus Rex Iudaeorum. ²⁷ ^{(215, 1.)}Et cum eo crucifigunt duo latrones, unum a dextris et alium a sinistris eius. ²⁸ ^{(216, 8.)}Et adimpleta est scriptura quae dicit Et cum iniquis reputatus est. ²⁹ ^{(217, 6.)}Et praetereuntes blasphemabant eum, moventes capita sua et dicentes Va qui destruit templum et in tribus diebus aedificat: ³⁰salvum fac temet ipsum descendens de cruce. ³¹ ^{(218, 2.)}Similiter et summi sacerdotes ludentes ad alterutrum cum scribis dicebant Alios salvos fecit, se ipsum non potest salvum facere. ³²Christus rex Israhel: descendat nunc de cruce, ut videamus et credamus. ^{(219, 2.)}Et qui cum eo crucifixi erant conviciabantur ei. ³³ ^{(220, 2.)}Et facta hora sexta tenebrae factae sunt per totam terram usque in horam nonam. ³⁴ ^{(221, 6.)}Et hora nona exclamavit Iesus voce magna dicens Heloi heloi lama sabacthani, quod est interpretatum deus meus Deus meus, ut quid dereliquisti me? ³⁵Et quidam de circumstantibus audientes dicebant Ecce Heliam vocat. ³⁶ ^{(222, 2.)}Currens autem unus et implens spongiam aceto circumponensque calamo polum dabat ei, dicens Sinite videamus si veniat Helias ad deponendum eum. ³⁷ ^{(223, 1.)}Iesus autem emissa voce magna exspiravit. ³⁸ ^{(224, 2.)}Et velum templi scissum est in duo a sursum usque deorsum. ³⁹ ^{(225, 2.)}Videns autem centurio qui ex adverso stabat quia sic clamans exspirasset, ait Vere homo hic filius dei erat. ⁴⁰ ^{(226, 10.)}Erant autem et mulieres de longe aspicientes, inter quas et Maria Magdalene, et Maria Iacobi minoris et Ioseph mater, et Salomae, ⁴¹et cum esset in Galilaea sequebantur eum et ministrabant ei, et aliae multae quae simul cum eo ascenderant Hierosolymam. ⁴² ^{(227, 1.)}Et cum iam sero esset factum, quia erat parasceve, quod est ante sabbatum, ⁴³venit Ioseph ab Arimathia nobilis decurio, qui et ipse erat expectans

XV, 16 — 43.