Pagina:Codex Amiatinus novum testamentum latine (1854).djvu/139

Haec pagina emendata est

85

EVANGELIUM SECUNDUM MARCUM

enim pauperes habetis vobiscum, et cum volueritis potestis illis benefacere, me autem non semper habetis. ⁸ ^{(159, 4.)}Quod habuit haec fecit, praevenit ungere corpus meum in sepulturam. ⁹Amen dico vobis, ubicumque praedicatum fuerit evangelium istud in universo mundo, et quod fecit haec narrabitur in memoriam eius. ¹⁰ ^{(160, 2.)}Et Iudas Scariotis, unus de duodecim, abiit ad summos sacerdotes ut proderet eum illis. ¹¹Qui audientes gavisi sunt, et promiserunt ei pecuniam se daturos: et quaerebat quomodo illum oportune traderet. ¹²Et primo die azymorum, quando pascha immolabant, dicunt ei discipuli Quo vis eamus et paremus tibi ut manduces pascha? ¹³Et mittit duos ex discipulis suis et dicit eis Ite in civitatem: et occurrit vobis homo laguenam aquae baiulans, sequimini eum, ¹⁴et quocumque introierit dicite domino domus quia magister dicit Ubi est refectio mea ubi pascha cum discipulis meis manducem? ¹⁵Et ipse vobis demonstrabit cenaculum grande stratum, et illic parate nobis. ¹⁶Et abierunt discipuli eius et venerunt in civitatem, et invenerunt sicut dixerat illis, et paraverunt pascha. ¹⁷ ^{(161, 4.)}Vespere autem facto venit cum duodecim. ¹⁸Et discumbentibus cum eis et manducantibus ait Iesus Amen dico vobis quia unus ex vobis me tradet, qui manducat mecum. ¹⁹ ^{(162, 1.)}At illi coeperunt contristari et dicere ei singillatim Numquid ego? ²⁰ ^{(163, 2.)}Qui ait illis Unus ex duodecim, qui intingit mecum in catino. ²¹Et filius quidem hominis vadit sicut scriptum est de eo; vae autem homini illi per quem filius hominis traditur: ^{(164, 6.)}bonum est ei si non esset natus homo ille. ²² ^{(165, 1.)}Et manducantibus illis accepit Iesus panem et benedicens fregit et dedit eis, et ait Sumite, hoc est corpus meum. ²³ ^{(166, 2.)}Et accepto calice gratias agens dedit eis, et biberunt ex illo omnes. ²⁴Et ait illis Hic est sanguis meus novi testamenti, qui pro multis effunditur. ²⁵Amen dico vobis quod iam non bibam de genimine vitis usque in diem illum cum illud bibam novum in regno dei. ²⁶ ^{(167, 6.)}Et hymno dicto exierunt in montem olivarum. ²⁷ ^{(168, 4.)}Et ait Iesus Omnes scandalizabimini in nocte ista, quia scriptum est Percutiam pastorem, et dispargentur oves. ²⁸ ^{(169, 6.)}Sed postea quam surrexero, praecedam vos in Galilaeam. ²⁹ ^{(170, 1.)}Petrus autem ait ei Etsi omnes scandalizati fuerint, sed non ego. ³⁰Et ait illi Iesus Amen dico tibi quia tu hodie in nocte hac, prius quam bis gallus vocem dederit, ter me es negaturus. ³¹ ^{(171, 6.)}At ille amplius loquebatur Etsi oportuerit me simul commori tibi, non te negabo. Similiter autem et omnes dicebant. ³² ^{(172, 1.)}Et veniunt in praedium cui nomen Gesemani, et ait discipulis suis Sedete hic donec orem. ³³Et adsumit Petrum et Iacobum et Iohannen secum, et coepit pavere et taedere. ³⁴ ^{(174, 4.)}Et ait

XIV, 8 — 34.