Pagina:Clüver - Germania antiqua, 1616.pdf/21

meridiem fuisse Aulercos Cenomanos, sub his verò porrò versùs eamde mundi regioné Aulercos Eburovices ; quum Cenomanorum caput, quondam Vindunum, nunc Mans, ab Nannetibus versùs ortum æstivum, & ab hoc porrò versùs eamdem regionem Eburovicum caput, quondam Mediolanium, nunc Evreux, haud longè ab Sequanæ lævâ ripâ situm ? Quis credat, Rhedonum Condate, quod nunc Redon, ab Eburovicum Mediolanio XL millibus passuum in meridiem versùs distare; quum opidum Redon ab opido Evreux XCX millia versùs occasum solis hiberni distet ? Quis credat, Turonios, quorum caput Cæsarodunum, nunc Tours en Touraine ad Ligerim, finitimos fuisse Segusianis, quorum opida Lugdunum ad Rhodani Ararisque confluentem, & Rodumana, Forum que Segusianorum, nunc Lion, Roane, & Fours ;quum Biturigum magna intercesserit gens. Quis item credat, Cæsarodunum XL tantùm millia passuum ab Rodumnâ ab fuisse; quum inter Tours & Roane CC millia interesse noscantur? Quis credat, infra Cadurcos versùs meridiem positos fuisse Petricorios; infra hos verò Nitiobriges: quum Petricoriorum caput Vesunna, nunc Perigueux, à Cadurcorum capite Devoná, nunc Cahors, versùs septemtrionem sit sita; & ab hac versùs occasum Nitiobrigum caput Aginnum, nunc Agen ? Quis credat, Bituriges, quorum caput Avaricum nunc Bourges, Nitiobrigibus prædictis fuisse conterminos; quum & Petricorii & Lemovices, quorum caput nunc vulgò dicitur Limoges, intercessisse sciamus? Quis credat, Avaricum Biturigum ab Nitiobrigum Aginno XXXV tantùm millia dissitum fuisse; quum inter Agen & Bourges millia sint CXC ? Quis credat, Vellicassios atque Caletos, quos Belgas fuisse in dextrâ Sequanæ ripâ ex Cæsare ac Strabone constat, rectè ab eodem Ptolemæo in lævâ ejus amnis ripâ locari; quum odiéque Caletorum terra à Sequanæ dextrâ ripâ in orietem estivum versùs vulgò vocetur Pais de Caulx : & Vellocassiorum caput Rotomagus, vulgò Roan, in eâdem ripâ sit positú ? quod & ipsum satis imperitè L millia passuum etiam ab lævâ ripâ versus occidentem brumalem submovit. Quis credat Cæsaromagum Bellovacoru, quod nunc Beauvais, à Bagaco Nerviorum, quod hodie Bavay, XXXVI millia passum in occasum æquinoctialem distare: quum inter dicta duo opida, ab ortu æstivo ad occasum hibernum, c intercedant millia? Quis credat tertium Rheni ostium, quod situ est citimum versùs meridiem, aliud atque diversum esse ab Mosæ ostio, LXXXVI millia ab eo dissitum ? quum & Plinius & Tacitus jam tum testati sint, dictum Rheni alveum, Vahalis cognomento, immenso Mosæ ore in oceanum effundi. Sed omneis ejus errores quos in unâ hac Galliâ conmisit, longum foret atque incommodum hoc loco recitare. In Rheni citeriore ripâ, id est, in Germaniâ Cisrhenanâ quam turpiter multipliciterque sit lapsus, item Transrhenanam Germaniam quàm miseré turbaverit omnem, novissima vetustissimis, ima summis mirificè confundens,