Pagina:Bouquet - Recueil des Historiens des Gaules et de la France, 2.djvu/80

Haec pagina emendata est

lxxvj

INDEX CHRONOLOGICUS.

excedit. Ostrogothi qui ad Padum degebant ad Theodebaldum Regem legationem instituunt, eumque rogant ne sese à Romanis oppressos despiciat. 51. 52. Theodebaldo non probatur Ostrogothorum postulatio : Leutharis tamen et Buccelinus cum eis societatem ineunt. 52. e.

Leutharis et Buccelinus, exercitu ex Alamanis et Francis ad LXXV. millia virorum collecto, se ad bellum contra Romanos instruunt, veluti jamjam Italiam et Siciliam invasuri. 54. a.

Fulcaris Dux Herulorum in urbem Parmensem à Francis occupatam excursionem facit. Buccelinus lectissimam è suis copiis manum in insidiis collocat, quæ in Herulos impressionem facit, eosque cædit et fugat. 54. c. d. e.

Ostrogothi Æmiliam Liguriamque incolentes, qui priùs metu impulsi cum Romanis societatem inierant, ad Francos confugiunt. Romanorum copiæ se Faventiam recipiunt. Ostrogothorum urbes Francis aperiuntur. 55. d. e. Quibus nuntiis acceptis dolet Narses. 56. a.

Narses urget Lucæ obsidionem : Franci qui urbem tuentur, Lucenses ad resistendum concitant, in Romanos eruptionem faciunt. Lucenses se Narseti dedunt. 56. a. b. c.

Narses in ver proximum bellum differendum censet : vergebat enim autumnus, et imminebat solstitium hibernum : quod tempus nequaquam aptum Romanis ad belligerandum, commodum erat Francis, quibus æstus valde est inimicus. 56. d.

Aligernus urbem Cumas Narseti tradit. Mittitur à Narsete ad Cæsenem urbem : ubi è muro insultat in Francos prætereuntes. Franci ei conviciantur, eum gentis suæ proditorem appellantes. Narses Ariminum concedit. 57.

Franci ad duo millia Arimino appropinquant agros vastantes, boves abigentes, prospiciente Narsete; qui conscenso equo, sumtisque secum trecentis viris rei bellicæ peritis, in Francos contendit. 58. a. b.

Franci protinus sese congregant, et in unum corpus coëunt. Romani sagittis et jaculis velitantes primam aciem labefactare conantur. Franci inter se scutis constipati, stant firmi et immoti : densam silvam nacti, arboribus tamquam vallo utuntur. Narses jubet Romanos fugam simulare : Franci Romanorum fugam verum timorem existimantes, è silva egrediuntur, fugientesque insequuntur. 58. c. d. e.

In Francos è silva avulsos Romani equis conversis irruunt, eosque inopinata re perculsos cædunt et fugant. Narses Ravennam revertitur : ac postmodum hiematum Romam se confert. 59.

Anno Chr. 553.

Ineunte vere exercitum instaurari, copiasque res bellicas condoce fieri jubet Narses. Franci loca per quæ transeunt depopulantur : Romam