5. Et vocavit Deus Lucem, diem, & Tenebras vocavit, Noctem. Et fuit veſpera, & fuit mane, Dies primus.
6. Et dixit Deus, ſit Expanſum in medio aquarum, & ſit diſtinguens inter aquas, aquis.
7. Et fecit Deus Expanſum illud, & diſtinxit inter aquas, quæ ſub expanſo, & inter aquas, quæ ſupra expanſum; & factum ita.
8. Et vocavit Deus Expanſum, cœlum. Et fuit veſpera, & tui mane, dies ſecundus.
9. Et dixit Deus, congregentur Aquæ ſub cœlo ad locum unum, & appareat Arida; & factum ita.
10. Et vocavit Deus Aridam, Terram; & congregationem aquarum vocavit Maria: & vidit Deus quod bonum.
11. Et dixit Deus, progerminare faciat Terra Herbam teneram; Herbam ſeminificantem ſemen; Arborem fructus facientem fructum, ſecundum ſpeciem ſuam, in quo ſemen ejus, ſuper terra, & factum ita.
12. Et produxit Terra herbam teneram; herbam ſeminificantem ſemen, ſecundum ſpeciem ſuam; & arborem facientem fructum, in quo ſemen ejus, ſecundum ſpeciem ſuam; & vidit Deus, quod bonum.
13. Et fuit veſpera, & fuit mane, Dies tertius.
14. Et dixit Deus, ſit Luminaria in expanſo cœlorum, ad diſtinguendum inter Diem, & inter Noctem, & erunt in ſigna, & in ſtata tempora, & in dies, & annos.
15. Et erunt in Luminaria in expanſo cœlorum, ad lucem dandum ſuper terra, & factum ita.
16. Et fecit Deus duo Luminaria magna, Luminare magnum ad dominandum die, & Luminare minus ad dominandum nocte, & Stellas.
17. Et poſuit illa Deus in Expanſo cœlorum, ad lucem dandum ſuper terra.
18. Et ad dominandum in die, & in nocte, & ad diſtinguendum inter lucem, & inter tenebras; & vidit Deus quod bonum.
19. Et fuit veſpera, & fuit mane, Dies quartus.
20. Et dixit Deus, prorepere faciant aquæ Reptile, animam viventem: & Avis volitet ſuper terra, ſuper faciebus expanſi cœlorum.
21. Et creavit Deus Cetos magnos; & omnem animam viventem, reptantem, quam prorepere fecerunt aquæ, ſecundum ſpecies ſuas: & omnem Avem alæ ſecundum ſpeciem ſuam: & vidit Deus quod bonum.
22. Et benedixit iis Deus, dicendo, fructificate & multiplicate vos, & implete aquas in maribus; & avis multiplicabitur in terra.
