Pagina:Albii Tibulli quae supersunt opera omnia.djvu/170

Haec pagina nondum emendata est

59 ao ELEGIARUM LIB. l. ELEG. V.

   Vota novem Triviae nocte silente dedi.
Omnia persolvi : fruitur nunc alter amore,
   Et precibus felix utitur ille meis.
At mihi felicem vitam, si salva fuisses
   Fingebam demens, sed renuente Deo.
Rura colam, frugumque aderit mea Delia custos,
   Area dum messes sole calente teret,
Aut mihi servabit plenis in lintribus uvas,
   Pressaque veloci candida musta pede.