Ne ſcutagium vel auxilium ponatur in regno, niſi per commune concilium regni, niſi ad corpus Regis redimendum & primogenitum filium ſuum militem faciendum & filiam ſuam primogenitam ſemel maritandam, & ad hoc fiat rationabile axvilium. Simili modo fiat de ſcutagiis & auxiliis, de civitatibus que inde habent libertates, & ut civitas London plene habeat antiquas libertates & liberas conſuetudines ſuas tam per aquas quam per terras.
Ut liceat unicuigue exire de regno, & redire, ſalva fide domini Regis, niſi tempore werre per aliquod breve tempus propter communem utilitatem regni.
Si quis mutuo aliquid acceperit a Judeis plus vel minus, & moriatur antequam debitum illud ſolvatur, debitum non uſurabit quamdiu heres infra etatem, de quocumque teneat. Et ſi debitum illud inciderit in manum Regis, Rex non capiet niſi catallum quod continetur in charta.
