tineat, sed ca vendat, vel det, vel alio modo a se removeat, ita quod remaneant in servitio regis.
8. Item nullus portet arma extra Angliam nisi per praeceptum domini regis; nec aliquis vendat arma alicui, qui ea portet ab Anglia.
9. Item Justitiae faciant jurare per legales milites vel alios liberos et legales homines de hundredis et de burgis, quot viderint expedire, qui habebunt valentiam catalli secundum quod eum habere oportuerit loricam et galeam et lanceam et clypeum secundum quod dictum est; scilicet quod separatim nominabunt eis omnes de hundredis suis et de visnetis et de burgis, qui habebunt xvi. marcas vel in catallo vel in redditu, similiter et qui habebit x. marcas. Et Justitiae postea omnes illos juratores et alios faciant inbreviari, qui quantum catalli vei redditus habuerint, et qui secundum valentiam catalli vel redditus, quae arma habere debuerint; et postea coram eis in communi audientia illorum faciant legere hanc assisam de armis habendis, et eos jurare quod ea arma habebunt secundum valentiam praedictam catallorum vel redditus, et ea tenebunt in servitio domini regis secundum hanc praedictam assisam in praecepto et fide domini regis Henrici et regni sui. Si vero contigerit quod aliquis illorum qui habere debuerint haec arma, non sint in comitatu ad terminum quando Justitiae in comitatu illo erunt, Justitiae ponant ei terminum in alio comitatu coram eis. Et si in nullo comitatu per quos iturae sunt, ad eos venerit, et non fuerit in terra ista, ponatur ei terminus apud Westmuster ad octavas Sancti Michaelis, quod sit ibi ad faciendum sacramentum suum, sicut se et omnia sua diligit. Et ei praecipiatur quod infra festum praedictum Sancti Hilarii habeat arma secundum quod ad eum pertinet habendum.
10. Item .Justitiae faciant dici per omnes comitatus per quos iturae sunt, quod qui haec arma non habuerint secundum quod praedictum est, dominus rex capiet se ad eorum membra et nullo modo capiet ab eis terram vel catallum.
11. Item nullus juret super legales et liberos homines, qui non habeat xvi. marcas, vel x. marcas in catallo.
12. Item Justitiae praecipiant per omnes comitatus, quoti nullus sicut se ipsum et omnia sua diligit, emat vel vendat aliquam navem ad ducendum ab Anglia, nec aliquis deferat vel deferre faciat maironiam extra Angliam. Et praecepit rex quod nullus reciperetur ad sacramentum armorum nisi liber homo.
